14 қыркүйек күні шамамен сағат 01:30-да «Алматы – Өскемен» автожолының 479-шақырымында, Алакөл ауданына қарасты Колбай ауылы маңында үш автокөлік қатысқан жол-көлік оқиғасы болды, - деп хабарлайды Aqshamnews.kz.
Алдын ала мәлімет бойынша, Nissan Cefiro көлігінің жүргізушісі қарсы бағытқа шығып кетіп, ВАЗ-2114 және Chevrolet Cobalt көліктерімен жанама соқтығысқан.
Апат салдарынан оқиға орнында 10 адам қаза тапты. Тағы бір жолаушы түрлі жарақаттармен ауруханаға жеткізілді.
Аталған дерек бойынша қылмыстық іс қозғалды