Екі жігітті жарақаттаған күдікті 17 жастағы ауыл тұрғыны екен.
Жетісу облысында екі құрдасын пышақтап өлтірмек болды деген күдікпен 17 жастағы ауыл тұрғыны ұсталды, деп хабарлайды Аlmaty-akshamy.kz
Polisia.kz мәліметінше, 10 ақпан күні 17 және 18 жастағы екі жергілікті тұрғын пышақ жарақатымен аудандық ауруханаға жатқызылған. Жәбірленушілерді 17 жастағы танысы жарақаттағаны анықталды.
«Күдікті ұсталды және қамауға алынды. Фактіге қатысты сотқа дейінгі тергеп-тексеру ҚР Қылмыстық кодексінің 24-бабы және 99-бабына сәйкес («Адам өлтіруге оқталу») жүргізіліп жатыр», - деп жазады полиция.