1. Бүгінде аудан электр желілерінің 85%-і тозған, соның салдарынан апатты сөндірулер жиі болып тұрады. Бұл тұрғындар үшін үлкен қолайсыздықтар тудырады.
Жетісу ауданын тұрақты электрмен жабдықтаумен қамтамасыз ету үшін өткен жылы Кемел шағын ауданында және Палладин-Павлодар-Боралдай-Қожамияров көшелері алаңында 3,7 млрд. теңге сомаға 66 шақырым электр желілерін салу бойынша жұмыстар аяқталды. Бұл туралы аудан тұрғындарымен кездесуінде қала әкімі Ерболат Досаев айттты, деп хабарлайды aqshamnews.kz
2024 жылдың желтоқсанында 4 шақырым электр желілерін реконструкциялау және «Кирпичная» қосалқы станциясының құрылысы басталды. Жұмыстар 2026 жылдың тамыз айында аяқталады, жобаның құны 6,2 млрд.теңге, - деді Алматы қаласының әкімі.
Осы жылдың маусым айында Рысқұлов даңғылы 65а мекенжайы бойынша 1,2 шақырым тұрғын үйді электрмен жабдықтау желісін салу бойынша жобаның мемлекеттік сараптама қорытындысын күтеді.