Алматының Жетісу ауданының өткен жылғы әлеуметтік-экономикалық дамуы оң серпін көрсетті. 2024 жылы аудан бюджеті 27%-ға өсіп, 21,4 млрд теңгеге жетті, деп хабарлайды aqshamnews.kz.
2025 жылы тұрғындардың өмір сүру сапасын арттыру және одан әрі даму мақсатында аудан бюджеті 20%-ға ұлғайтылып, 26,9 млрд теңге болды.
Қала әкімі Ерболат Досаев атап өткендей, биыл әкімдіктердің басым бағыттары – инфрақұрылымды жаңғырту, әлеуметтік нысандарды жаңарту, көлік қолжетімділігін жақсарту және қоғамдық кеңістіктерді дамыту болмақ.
Сонымен қатар, 2025 жылы Алматы экономикасына 2,2 трлн теңге инвестиция тарту жоспарланып отыр, бұл өткен жылдардағы көрсеткіштерден едәуір жоғары. Бұл шаралар қала тұрғындарының өмір сүру сапасын арттыруға және экономиканы нығайтуға бағытталған.