Ми-17, Ми-35 және Ми-171Ш тікұшақтары Астана қаласындағы 19132 әскери бөліміне жеткізілді, деп хабарлайды aqshamnews.kz Қорғаныс министрлігінің баспасөз қызметіне сілтеме жасап.
Бұл әуе кемелері Ұлы Жеңістің 80 жылдығына арналған әскери парадқа қатысады.
Армиялық авиация экипажын Әскери-әуе күштерінің қолбасшысы авиация генерал-майоры Руслан Қоңыров бастаған әскерилер дәстүрге сай ұлттық нақышта – қымыз және бауырсақпен қарсы алды.
Бұл шара алдағы тарихи парадқа дайындықтың маңызды кезеңдерінің бірі.
Айта кету керек, әскери парадқа майдандық, армиялық және әскери-көлік авиациясының 60-тан аса ұшу кемесі қатысады.