Сент-Луис қаласындағы Вашингтон университетінің зерттеуі жемістердің кейбір түрлері қатерлі ісік ауруының өсуін тездетуі мүмкін екенін көрсеткен, алайда қазіргі уақытта зерттеу нәтижелері тек жануарлар бойынша расталған, деп хабарлайды aqshamnews.kz.
Ғалымдар жемістердің тері, сүт безі және жатыр мойны қатерлі ісіктеріне әсерін арнайы зерттеген.
Зерттеу барысында қатерлі ісікке шалдыққан тышқандар мен данио балықтарына ұзақ уақыт бойы жемістер көп қосылған тағам берілген. Басқа топтағы жануарларға қалыпты тағам беріліп, кейін олардың ісіктерінің өсу жылдамдығын салыстырған.
Ғалымдар жемістердің қатерлі ісіктер ауруының өрши түсуіне септңгңн тигізеді деп болжайды, өйткені ол ісік клеткаларына "отын" болады. Алайда, жемістердің өзі тікелей рак клеткаларына түспейді. Оның орнына, жемістер өңделген кезде бауырда түрлі майлар – липидтер пайда болады, олар ісік клеткалары үшін "тамақ" ретінде пайдаланылады. Бұл липидтер рак ісіктерінің клеткалық мембраналарын құру үшін қажетті құрылыс элементтері ретінде қызмет етеді.
«Организмге түскен заттар дені сау клеткалармен сіңіріліп, ісіктердің пайдалануына жарамды заттарға айналуы мүмкін», – деді зерттеу авторларының бірі, Гэри Патти.
Сондықтан ол рак ауруына шалдыққан адамдарға жемістерден аулақ болуға кеңес береді. Сонымен қатар, зерттеу нәтижелері болашақта ісік өсуіне жемістердің әсерін тоқтату үшін дәрілер әзірлеуде пайдаланылуы мүмкін.
Ғалымдар клиникалық зерттеулер жүргізуді жоспарлап отыр, бірақ адамдар үшін сенімді нәтижелерді алу бірнеше жылға созылуы мүмкін.