Жеңіс күні – сан мыңдаған ұрпақ үшін ұлы мереке. Биыл адамзат тарихындағы ең сұрапыл, жойқын соғыс – Ұлы Отан соғысының аяқталғанына 80 жыл толып отыр. Бабаларымыздың қаны, ананың көз жасымен келген жеңістің құны жоғары. Зымыраған уақыттың қанатында міне, Жеңістің 80-ші көктемі де келіп жетті. Аталмыш мерекеге орай, Алматы қаласы, Жетісу ауданына қарасты №108 мектеп-гимназиясында «Желбірей бер, Жеңіс туы, мәңгілік!» атты іс-шара өткізілді.
Мақсаты: Ұлы Жеңістің 80 жылдық мерекесіне орай оқушыларды өз Отанын, елін, жерін сүюге, тәуелсіз елдің туын биікке көтеруге, еліміздің батырларының майданда, тылда көрсетілген ерен еңбегін құрметтеуге, Отанын қорғай білуге тәрбиелеу.
Бұл іс-шара өскелең ұрпақты патриоттық тәрбиелеудің маңызды бөлігіне айналды және батырларымыздың өлмес ерлігін еске салады. Салтанатты жиынға «Ардагерлер ұйымы» республикалық қоғамдық бірлестігінің Жетісу аудандық филиалының төрайымы Шакирова Тамара Мухтархановна, Ұлттық қауіпсіздік комитетінің шекара әскерлерінің құрметті ардагері Ертышпаев Қазақбай Зейнулович, генерал-майор, Қазақстан қарулы күштерінің офицерлер қоғамының төрағасы Телегусов Махмуд Утегенович, Ауған соғысының ардагері, полковник, Қазақстан қарулы күштерінің офицерлер қоғамының төрағасының орынбасары Халафов Габиль Имамеддинович, Жетісу ауданы мектептерінің алғашқы әскери дайындық пәні мұғалімдері қатысты. Бұл іс-шара өскелең ұрпақты патриоттық тәрбиелеудің маңызды бөлігіне айналды және батырларымыздың өлмес ерлігін еске салады.
Ұлы Отан соғысындағы Жеңістің 80 жылдығын мерекелеу аясында Ұлы Отан соғысының батыры, генерал-майор Төлеген Тоқтаровтың есімімен аталған көшеде мектебіміздің оқушыларының қатысуымен мемориалдық тақта орнатылды.
Сонымен қатар, Ұлы Жеңістің 80 жылдығына байланысты "ҰРПАҚҚА ҰРАН БОЛҒАН ҰЛЫ ЖЕҢІС" тақырыбында сурет, эссе, көркемсөз оқу және патриоттық әндер байқауы өткізілді.
Мектеп басшысы Әлдіғазы Руфинат Бекдайырқызы сөз сөйлеп, келген қонақтарға ризашылығын білдірді. Мектеп жоспарына сәйкес ұйымдастырылған салтанатты іс – шара әсерлі өтті!
Жұдырықтай жұмылып, білектей біріккен мектеп мұғалімдері мен оқушыларымызға мың алғыс!
Алматы қаласы, Жетісу ауданы №108 мектеп-гимназиясының қазақ тілі мен әдебиеті пәні мұғалімі: Бертилеуова Г.Е.