Қазақстанда ауа температурасы жылыды. Оңтүстік циклон тек ауа температурасын көтеріп қоймай, қар мен боран да алып келді, - деп хабарлайды Aqshamnews.kz.
«Қазгидромет» мәліметіне қарағанда, 30 желтоқсанда Ұлытау, Ақмола, Павлодар және Қарағанды облыстарында жаңбырдан қарға ауысатын жауын, ал республика оңтүстігінде жаңбыр күтіледі. Ел аумағында тұман, жолдарда көктайғақ және жел екпіні күшейеді.
Астанада күндіз +1…+3 °C, жаңбыр, қар, тұман, көктайғақ. Түнде - 3…–5 °C, қар, боран. Жел жылдамдығы - 9–14 м/с, кей жерде 20 м/с-қа дейін.
Алматыда күндіз +8…+10 °C, түнде +1…+3 °C. Жел жылдамдығы - 3–8 м/с.
Шымкентте күндіз +11…+13 °C, түнде +6…+8 °C, уақыт-уақытпен күшті жаңбыр жауады. Жел жылдамдығы - 8–13 м/с, екпіні 20 м/с-қа дейін.