Алматы қаласында экологиялық тұрақты жобалар үшін қаржыландыруға қол жеткізу мәселелеріне арналған тренинг өтті, деп хабарлайды aqshamnews.kz "Халықаралық жасыл технологиялар және инвестициялық жобалар орталығы" КЕАҚ сілтеме жасап.
Іс-шараның негізгі мақсаты – қатысушыларды энергияны үнемдеу, жаңартылатын энергия көздері және тұрақты ауыл шаруашылығымен байланысты негізгі аспектілерге үйрету.
Қатысушылар жасыл технологиялар саласындағы жобаларды қолдайтын қаржы құралдары мен тетіктерін игерді, экологиялық таза шешімдерді енгізуді реттейтін заңнамалық актілер туралы білім алды. Сондай-ақ жасыл технологияларды қолдану арқылы қаржылық мүмкіндіктерге қол жеткізудің әдістерін түсінді.
Жасыл технологияларға көшу – бұл тек экологияны қорғау қадамы емес, сонымен қатар тұрақты және пайдалы жобаларды жүзеге асыруға ықпал ететін инвестицияларды тарту мүмкіндігі.
Халықаралық жасыл технологиялар және инвестициялық жобалар орталығы қатысушыларға осы маңызды тақырып бойынша белсенділік танытқаны және қызығушылық білдіргені үшін алғыс айтты.