Алматы қаласының ҚАЖ департаментіне қарасты №11 мекемесінің тәрбиеленушілері де Ұлы Жеңістің 80 жылдығы құрметіне мәдени іс-шара өткізді. Балалар колониясында өткен мерекеге Алматы қаласы Сән және дизайн колледжінің студенттері қолдау көрсетті.
Отаншылдықты, тарихқа, аға буынға құрметті дәріптеген іс-шара Мемлекеттік Гимнмен ашылып, концерттік бағдарламаға ұласты. Кезінде Ұлы Отан соғысында оқ пен оттың ортасында жүрген майдангерлерді жеңіске рухтандыру мақсатында туған патриоттық әндер шырқалды.
Жауынгерлер өмірінен сыр шертетін саханалық қойылымдар ұсынылды. Әскери бейнеклиптер де жеткіншектерге ой салғаны анық. Олар бізге бейбіт өмір сыйлаған аталарымыздың рухын бір минут үнсіздікпен еске алды.
Мерекелік іс-шараны жастардың орындауындағы әйгілі «Ұлы Жеңіс күні» әні түйіндеді.