Мемлекет басшысы биылғы Жолдауында жасанды интеллекттің білім беру жүйесінде басымдыққа ие болуы қажет екендігін баса айтқаны белгілі.
Президент бастамасын жүзеге асыру үшін болашақ ұрпақ тәрбиелеп отырған педагогтердің цифрлық технологияны меңгеруі аса маңызды.
Оның үстіне қазіргідей ақпараттар заманында цифрлық технологиялар баланың қызығушылығын арттырудың тиімді тәсілі болып табылады. Осыған орай, қаламыздың Әуезов ауданына қарасты №64 бөбекжай-балабақшасында «Адал азамат» «Біртұтас тәрбие бағдарламасы» аясында шығармашылық әдіс- тәсілдерді қолдану аясында аудандық семинар өтті.
Бұл іс- шараның мақсаты- педагогтердің адал азамат тұлғасын қалыптастырудағы тәжірибесін жетілдіру, «Біртұтас тәрбие бағдарламасы» аясында құндылықтарға негізделген тәрбие жұмыстарының инновациялық тиімді әдістерін шебер сынып арқылы көрсету болды. Жалпы, ЖИ мен интерактивті платформалар тәрбиешілер мен әдіскерлердің жұмысын жеңілдетіп, балалардың танымдық белсенділігін дамытады. Ұжым қызметкерлері шара барысында бірнеше интерфейстерде жасалған ойын түрлерімен таныстырды. Мысалы: Gemini, Grok,Wordwall, Kahoot, Quizizz, Pix Verse, ChatGPT, Голограмма тәсілдері. Аталмыш балабақшаның қазақ тілі маманы Н. Минамутдинова «Ойын мен технология- тіл кілті» атты шеберлік сағатында «SmartBala» жобасы бағытында балаларды үй жануарларымен, төрт түліктің төлдерімен және адам баласына келтіретін пайдасы жайлы түсіндіру барысында Gemini, Grok, Pix Verse, ChatGPT, Голограмма интерфейстерін және робототехниканы қалай тиімді қолдануға болатынын көрсетіп, өз іс- тәжірибесімен бөлісті.
Келесі кезекте қазақ тілі маманы А. Әбілдаева «Еңбегі адал – жас өрен»- тәрбиеленушілерде әртүрлі мамандықтарға қызығушылықты дамыту және еңбексүйгіштік идеясын насихаттау арқылы құндылықтарды қалыптастыру мақсатында «Мамандықтың бәрі жақсы- қалауыңды таңдай біл» атты шеберлік сағатында Wordwall, Pix Verse, ChatGPT платформаларының ұтымды пайдалану жолдарымен таныстырды. Ал балабақша психолог маманы А. Еслакова семинарға қатысушы педагогтермен Kahoot, Quizizz платформаларында «Адалдық алаңы» атты интерактивті викториналық ойынын ойнатып, "Миға шабуыл" әдісін қолданудың тиімді тұстарын көрсетті.
Мектепалды «Құлыншақ» тобының тәрбиешісі А.Ұзақова Узакова дамытушы ортаны ұйымдастыру, балалар мен ересектердің қарым-қатынасы мен бірлескен әрекетін, балалардың қимыл белсенділігін, сондай-ақ олардың оңаша болуына мүмкіндікті қамтамасыз ету жолдары жайлы өз тәжірибесімен бөлісті.
Семинар соңы балабақшаның өнерпаз бүлдіршіндерінің өнеріне ұласты. өз мәресіне жетті. Семинарға қатысушы қонақтар іс- шарадан алған әсерлерін ортаға салып, шығармашылық шабыт, тың идея алып қайтты.