Қазақстан қалаларындағы сұрықсыз нысандарды жасанды интеллект арқылы жаңғыртсақ, қандай болар еді? Aqshamnews.kz бұл сұрақтың жауабын іздеп көрді.
Қазақстан қалаларында көзге оғаш көрінетін, ұзақ жылдар бойы аяқталмаған, не архитектуралық үйлесімі бұзылған ғимараттар аз емес. Бірі "сақалды құрылысқа" айналса, екіншісінің сылағы түсіп қалған. Бірақ сол нысандарды түрлендіріп, көрсек, оларға жарнама баннерлерін іліп көрсек түр-әлпеті қалай өгерер еді?
IT маман Аршат Ораз әлеуметтік желідегі парақшасында құрылысы биыл аяқталатын LRT-ның тіреуіш колонналарына "жан бітіріп" көрді. Оның айтуынша, бетон колонналары сұр, суық, "жемқорлық ескерткіші" болып көрінеді.
"Жасанды интеллект мұны әдемілеу бойынша қызық идеялар ұсынды. Мысалы бұл сұрықсыз бетондарды Ұлттық өрнекпен көмкеру, Табиғи форма, Жарықпен безендіру, Архитектуралық скульптура, Қалалық графика, мурал сияқты идеялармен сәндеуге болады дейді. Шынымен астын көгал қылып, колонналарды осылай әсемдеп тастауға болады", - дейді ол.
instagram.com/arshatoraz
Шынында, мынадай әрлеумен қаланың келбеті ажарланып, LRT да көзтартымды құрылысқа айналады. Сондай-ақ, мұндай колонналарға жарнама орналастырып, қала бюджетіне де қаражат түсер еді.
Ал енді бұл колоннада жарнамалар орналасса, қалай көрінер еді? Біз Жасанды интеллект арқылы істеп көрдік.
Жасанды интеллект арқылы жасалған суреттер
Сондай-ақ, Алматыдағы BRT құрылысына да мұндай өзгерістер енгізіп көрдік.
Жасанды интеллект арқылы жасалған суреттер
Ал Семейдегі аспалы көпірдің келбеті қалай түрленер еді?
Айта кетейік, біз бұл мақалада қаланың келбеті мен урбанистика тұрғысынан дамуын ғана қарастырдық.