Түрксіб ауданында мемлекеттік қызметтер жәрмеңкесі өтті.
Іс-шараға қалалық басқармалардың, облыстық білім беру және денсаулық сақтау мекемелерінің, азаматтардың істері жөніндегі мемлекеттік басқару органдарының, құқық қорғау органдарының және мемлекеттік қызмет көрсететін басқа да ұйымдардың өкілдері қатысты.
Тұрғындар өздерін толғандырған сұрақтарға жауап алды. Сонымен қатар келушілерге мемлекеттік қызметтерді көрсету процедуралары бойынша толық ақпарат мен кеңес берілді.
Сондай-ақ Түрксіб ауданының мүгедектігі бар адамдарға арналған әлеуметтік қолдау орталығы төрағасы Құдайбергенов Кенже ой-пікірін бөлісті.
«Ауданымызда осындай игі іс-шараға қатысу керек деп есептеп, қатыстық. Бізге бірқатар азаматтар келіп жүгінді. Мүгедектікті мерзімсіз алу, бір емханадан екіншісіне ауысу, үй және т.б. мәселелерін айтып келді. Біздер жөн сілтеп, кеңес беріп, келушілердің сұрағының шешілгеніне атсалысып жүрміз», - деді ол.
Сонымен бірге жәрмеңке келушілер өз ойларын ортаға салды.
«Бүгінгі іс-шарадан өзіме керек сұрақты сұрап білдім. "Жас Қанат" тұрғын үй кешенімен 31 мектеп аралығында арнайы балаларға арналған қоғамдық көлік болса дейміз. №27 автобусқа қарбалас кезде жұрт сыймайды. Міне, осы ойымыз жүзеге асса, қуанып қаламыз», - деді қала тұрғыны Жаңагүл Ербазарова.
