Боксшының дәл жекпе-жек алдында денсаулығы сыр беріп, ауруханаға жатқанын хабарлағанбыз.
Денсаулық жағдайына байланысты титулдық жекпе-жектен бас тартқан боксшы Жәнібек Әлімханұлы әлеуметтік желіде жанкүйерлеріне үндеу жасады, деп хабарлайды Almaty-akshamy.kz
"Қуанышта бірге болған жанкүйерлерім, қиындықта да қасымнан табылып жатқанына қуаныштымын. Баршаңызға Алла разы болсын. Тілек, дұғаларыңызға рақмет! Денсаулығым дұрысталды. Қазір барлығы жақсы. Бұйыртса келесі жоспарды ақылдасып жатырмыз!", - деп жазды ол.
5 шілдеде Жәнібек Әлімханұлы алдағы жекпе-жекке қалай дайындалып жатқанын көрсетіп, желіде видео жариялаған болатын. Содан кейін ол баршаға жылдың ең үздік нокаутын көрсететінін мәлімдеді. Бірақ Жәнібек Әлімханұлы жаңа зеландиялық спортшы Андрей Михайловичпен болатын жекпе-жек алдында, денсаулығы сыр беріп 12 шілдеде АҚШ-та ауруханаға түсіп қалған еді.
