Кәсіпқой бокста WBO тұжырымы бойынша орта салмақтағы Әлем чемпионы деген атаққа ие Жәнібек Әлімханұлы кезекті айқасын 14 қазан күні АҚШ-тың Розенберг қаласында өткізеді, деп хабарлайды аlmaty-akshamy.kz Egemen.kz-ке сілтеме жасап.
Германия боксшысы Винченцо Гуальтериге қарсы жекпе-жекті Qazsport телеарнасы тікелей эфирден 15 қазан күні таңғы сағат 07:00-ден бастап көрсетеді. «Қазақстан» телерадиокорпорациясы айқасты ел аумағында көрсетудің құқық иесі атанды. Жәнібектің чемпиондық белбеуін қорғайтын жекпе-жегін «Qazaqstan.tv» мобильді қосымшасы мен qazsporttv.kz сайтынан да тамашалауға болады.