Отандасымыз топ жаруда
Әйгілі The Ring журналы барлық салмақ дәрежесіндегі боксшылар рейтингін жаңартты, деп хабарлайды Almaty-akshamy.kz Prosports.kz-кe cілтеме жасап.
Жерлесіміз әрі QAZAQ STYLE-дің негізін салушы, боксшы Жәнібек Әлімханұлы орта салмақта 9-орында тұрған еді. Ал жаңарған рейтингте 7-сатыға көтерілді.
Жақында Жәнібек орта салмақта WBA Regular тұжырымы бойынша бұрынғы әлем чемпионы америкалық Роб Брантты техникалық нокаутпен жеңген болатын. Америкалық боксшы Әлімханұлынан жеңілгеннен кейін ТОП-10 тізімінен шығып қалды.
Орта салмақ рейтингінде IBF/IBO чемпионы қазақстандық Геннадий Головкин көш бастап тұр. Одан кейінгі орында америкалық Джермалл Чарло келеді.
Кейінгі орындар мынадай:
3. Деметриус Андраде (AҚШ)
4. Сергей Деревянченко (Украина)
5. Риота Мурата (Жапония)
6. Хайме Мунгия (Мексика)
7. Жәнібек Әлімханұлы (Қазақстан)
8. Кіші Крис Юбэнк (Ұлыбритания)
9. Лиам Уильямс (Ұлыбритания)
10. Феликс Кэш (Ұлыбритания).