Жетісу облысының таулы аудандарында түнде және таңертең тұман түседі
2 қарашада Шымкентте және Қазақстанның 11 өңірінде жаңбыр, қар жауып, тұман түседі, қатты жел, көктайғақ болады деп күтіледі. Осыған байланысты синоптиктер дауылды ескерту жариялады, деп хабарлайды Almaty-akshamy.kz.
"Қазгидромет" РМК мәліметінше, Шымкентте таңертең және түстен кейін қатты жаңбыр жауады. Солтүстік батыстан оңтүстік батысқа ойыса соққан желдің екпіні 15-20 м/с құрайды.
Түркістан облысында таңертең және түстен кейін таулы аудандарда және тау бөктерінде қатты жаңбыр жауады, түнде және таңертең таулы аймақтарда тұман түсуі мүмкін. Өңірдің солтүстігінде, батысында, таулы аудандарында солтүстік батыстан оңтүстік батысқа ойыса соққан желдің екпіні 15-20 м/с, ал тау асуларында, тіпті 23-28 м/с жетеді. Түркістанда оңтүстік батыстан солтүстік батысқа ойыса соққан желдің екпіні 15-20 м/с құрайды.
Жамбыл облысында таулы аудандарда түнде және таңертең тұман түседі. Өңірдің солтүстік шығысында, оңтүстік шығыстан оңтүстік батысқа ойыса соққан желдің екпіні 15-20 м/с, ал таулы аудандарда 23-28 м/с жетеді. Таразда оңтүстік батыстан соққан желдің екпіні 15-20 м/с болады.
Қызылорда облысында оңтүстік батыстан жел соғады, облыс орталығында оның екпіні 15-20 м/с, кей тұста 25 м/с құрайды, Қызылордада күндіз оңтүстік батыстан жел соғады, екпіні - 15-20 м/с.
Қарағанды облысының шығысында түнде тұман түседі деп күтіледі. Өңірдің орталығында, шығысында оңтүстік шығыстан 15-20 м/с, кей тұста 25 м/с жылдамдықпен жел соғады. Қарағандыда күндіз оңтүстік шығыстан, оңтүстіктен жел соғады, екпіні - 18 м/с.
Ұлытау облысының батысында, солтүстігінде, шығысында оңтүстік батыстан оңтүстік шығысқа ойыса соққан желдің екпіні 15-20 м/с құрайды.
Батыс Қазақстан облысының солтүстігінде түнде және таңертең көктайғақ болады, боран соғады. Түнде аймақтың солтүстігінде, күндіз басым бөлігінде солтүстік батыстан, батыстан 15-20 м/с жылдамдықпен жел соғады.
Жетісу облысының таулы аудандарында түнде және таңертең тұман түседі. Шығыстан жел соғады, Алакөл ауданы маңында оның екпіні 15-20 м/с жетеді.
Солтүстік Қазақстан облысының басым бөлігінде күндіз жауын-шашын (жаңбыр, қар) болады, өңірдің оңтүстік батысында, солтүстігінде көктайғақ болады деп күтіледі. Облыстың оңтүстік батысында, солтүстігінде оңтүстік шығыстан 15-20 м/с жылдамдықпен жел соғады. Петропавлда күндіз көктайғақ болуы мүмкін. Күндіз оңтүстік-шығыстан жел соғады, екпіні - 15-20 м/с.
Атырау облысының басым бөлігінде батыстан соққан желдің екпіні 15-20 м/с құрайды. Атырауда батыстан жел соғады, екпіні - 15-20 м/с.
Маңғыстау облысының батысында, солтүстігінде, оңтүстігінде солтүстік батыстан, батыстан 15-20 м/с жылдамдықпен жел соғады. Ақтауда солтүстік-батыстан, батыстан жел соғады, екпіні - 15-20 м/с.
Ақтөбе облысының солтүстігінде күндіз боран соғады. Өңірдің басым бөлігінде оңтүстік батыстан соққан желдің екпіні 15-20 м/с құрайды. Ақтөбеде күндіз аздап қар жауып, боран болады. Күндіз оңтүстік-батыстан жел соғады, екпіні - 15-20 м/с.