Қазақ ақыны, мемлекет және қоғам қайраткері Олжас Сүлейменов Алматыдағы №371 сайлау учаскесінде азаматтық таңдауын жасады. Айтуынша, халық бұл саяси науқанға үлкен дайындықпен келген. Бұл құбылыс қазақ қоғамына ақиқаттың ара жігін айырып алуға мүмкіндік берді. Референдумға дайындық барысында жастардың белсенділік танытуы ақынның көңілінен шыққан.
«Мен мемлекеттің болашағына, саяси тұрақтылыққа және демократияға дауыс бердім. Геосаяси жағдай тығырыққа тіреліп тұрған кезде, саяси тұрақтылық мемлекеттің болашағы үшін маңызды. Біздің негізгі сайлаушылар аудиториясы және дауыс беретін адамдар жастар болғандықтан, біз оларға ерекше көңіл бөлеміз. Жаңа Қазақстанға – жастар керек. Жастарымыз референдумда белсенділік танытады деп сенемін», – деді О.Сүлейменов.