Алматы музейінде «Жаңа Қазақстан. Жаңару» республикалық симпозиумының көрмесінің ашылуы өтеді.
Жобаның ұйымдастырушылары – Алматы қаласы мәдениет басқармасына қарасты «Алматы қаласы мұражайлар бірлестігі» КМҚК және Қазақстан Республикасы Суретшілер Одағы. Симпозиум 2022 жылдың 6-16 желтоқсан аралығында өтеді, деп хабарлайды Аlmaty-akshamy.kz.
Жобаға Қазақстанның 14 өңірінен келген суретшілер қатысады, олардың әрқайсысы жоба барысында суретшінің өмір бойғы миссиясы мен қызметінің ерекшелігі туралы ой-толғауларымен бөліседі.
Әр кезеңнің суретшілері кескіндеме немесе графикалық массалармен әртүрлі жұмыс істеп келді. Мысалы, Ренессанс суретшілері нәзік тәсілдермен жұмыс істеп, талғампаз болып келді, ХХ ғасыр қылқаламға қатыгездік пен дөрекілік алып келді. Социалистік реализмнің шеңберінен шыққан қазіргі қазақстандық суретшілер көркемдік массамен бақсылар секілді жұмыс жасайды, олардың шығармаларында Дала – жазықтық стилизациясы бар. Қазақ даласынан көрнекі маңызды элементтерін, көшпенділердің философиясы мен құндылықтарын бейнелейтін графикалық белгілерді байқауға болады. Шығармашылық жұмыстың нәтижесін болжау мүмкін емес, өйткені нәтиженің болжамсыздығы – бұл нағыз өнер мен қолөнердің айырмашылықтарының бірі.
Симпозиумның атауына еліміздің саяси жаңғырту бағдарламасы, Қазақстанның Даму стратегиясы және суретшінің қызметін қайта форматтау формуласы енгізілген. Жоба аясында суретшілер қазақстандық өнер, әлеуметтану, тарих зерттеушілерінің дәрістерін тыңдап, спикерлер пікірталасқа түседі. Өз жұмыстарында және пікірталастарда суретшілер креативті сала мамандарының маңыздылығы туралы ой қозғайды.
Көрме Алматы қаласы, Қабанбай батыр көшесі, 132 мекенжайында өтеді. 15 желтоқсан күні сағат 16:00 басталып, ағымдағы жылдың 21 желтоқсанына дейін жалғасады.