Швецияның жаңадан сайланған денсаулық сақтау министрі Элизабет Ланн Стокгольмде өткен баспасөз конференциясында есінен танып қалды. Швециялық SVT телеарнасы оқиғаның видеосын жариялады, - деп хабарлайды Аqshamnews.kz тілшісі.
"Үкіметтегі кадрлық ауыс-түйіс таныстырылған баспасөз конференциясы барысында жаңа денсаулық сақтау министрі Элизабет Ланн есінен танып қалды. Осыдан кейін ол залдан шығарылды", – делінген хабарламада.
Трибунада Ланнмен бірге премьер-министр Ульф Кристерссон, энергетика және кәсіпкерлік министрі Эбба Буш, сондай-ақ әлеуметтік істер министрі Якоб Форсместед тұрған.
Алдын ала мәлімет бойынша, есінен тануға қандағы қант деңгейінің күрт төмендеуі себеп болған. Бұған байланысты баспасөз конференциясын кейінге шегеруге тура келді.
2020 жылы Нидерландтың денсаулық сақтау министрі Бруно Брейнс те коронавирус жағдайына байланысты парламентте өткен талқылау кезінде есінен танып қалған еді. Оның айтуынша, бұл шамадан тыс шаршаудан болған.
Элизабет Ланн туралы не белгілі?
Элизабет Ланн - Гетеборг қаласының муниципалды кеңесшісі әрі «Христиандық демократия» партиясының мүшесі.
Оның алдындағы министр Ако Анкарберг Юханссонның тосыннан отставкаға кетті.
Ланн сол күні-ақ денсаулық сақтау министрі лауазымына тағайындалды.