Банк 2024 жылғы 28 маусымнан бастап номиналды құны 10 000 теңгелік жаңа банкноталардың айналымға енгізілгенін еске салды.
Бұл ретте, 10 000 теңгелік жаңа банкноталар жаппай айналымға 2024 жылдың шамамен қыркүйек айынан бастап түсе бастайды. Себебі еліміздің барлық өңіріне жеткізу және жабдықтарды (банкоматтар, терминалдар және басқа да кассалық техникалар) бейімдеу белгілі бір уақытты қажет етеді.
Жаңа дизайндағы 10 000 теңгелік банкнотаның қорғаныш элементтері туралы:
Банкнотада рельефті қалыптастыратын – арнайы алтын интаглио баспа тәсілі қолданылған. Қазақстан Республикасының елтаңбасы алтын металл бояудың жоғары бедерлі қабатымен басылған.
Сурет: nationalbank.kz
Банкноттың беткі бетінің шетінде шығыңқы, жоғары рельефті элементтер бар. Олар қолмен ұстағанда жақсы сезілетін – көру қабілеті нашар адамдарға арналған белгі.
Сурет: nationalbank.kz
Банкнота бетінде үзік-үзік түрінде шығып тұрған екі түсті қорғаныш жіп бар. Оны жарыққа тосып қарағанда бір тұтас жіп болып анық көрінеді. Банкнотаның көлбеу бұрышы өзгерген кезде көк және күлгін түстердің өзара әрекеттесуінен динамикалық лүпілдеу әсері пайда болады.
Сурет: nationalbank.kz
Сонымен қатар, банкнотаның бет жағында "Барыс" артефактының көлемді бейнесі түріндегі патч қорғаныш элементі орналасқан. Банкнотты аударып қараған кезде тау шыңының және номиналдың цифрлық кескінінен ою-өрнекке ауысу әсері және сәулелердің жан-жаққа шашыраған динамикалық әсері пайда болады.
Сурет: nationalbank.kz
Түсі өзгермелі терезе. Терезедегі өтпелi жарықта тау шыңының сұлбасы алтын түстен көк түске өзгередi.
Сурет: nationalbank.kz
Банкнотаның екінші бетінде "Аузында грифондар бар Барыстың басы" артефактінің көлемді бейнесі түрінде Спарк қорғаныш элементі орналасқан. Банкнотаның көлбеу бұрышы өзгерген кезде Спарк түсі алтыннан нефрит түсіне өзгереді.
Сурет: nationalbank.kz
Жеке көркемдік элементтер банкнотаға алтын түстес жылтырағы бар арнайы – иридисцентті бояуы басылған.
Сурет: nationalbank.kz
Жергілікті су белгісі қорғаныш элементі – электротип. Жарық түскенде номинал бейнесінен тұратын электротип белгісі анық көрінеді.
Сурет: nationalbank.kz
Бұған дейін Ұлттық Банк 10 мыңдық купюраның "сақ стилі" жаңа сериясындағы екінші банкнот екенін нақтылаған болатын. Ол дәстүрлі қазақ ою – өрнегінің бастаушысы болып саналатын және көшпенділердің бірегей мәдениетінен Қазіргі Қазақстанға дейінгі ел мұрасын бейнелейтін "сақ стилінің" элементтеріне негізделген.