Жамиля Серкебаева «Еліме Тарту» атты үлкен концерт береді, деп хабарлайды aqshamnews.kz
2024 жылғы 30 қазанда Қазақстан Республикасының Республика күніне орай Алматыдағы Республика сарайында Жамиля Серкебаеваның көптен күткен «Еліме Тарту» атты концерті өтеді. Бұл кеш оның туған елінің мәдениетіне, жеріне және халқына деген сүйіспеншілік пен адалдығын көрсететін көпжылдық шығармашылық жолының шарықтау кезеңі болмақ.
Жамиля Серкебаева – скрипка мен оркестрге арналған классикалық және заманауи шығармалардың бірегей аранжировкасы арқылы әлемге танылған қазақстандық музыкалық мәдениеттің танымал бренді. Ол Қазақстандағы рок және поп-музыканың алғашқы орындаушыларының бірі болып табылады. Оның концерттері тек Отанымызда ғана емес, АҚШ, Еуропа және Азия елдерінде де аншлагпен өтеді. Қазақстанда Жамиля Серкебаеваның таланты ҚР Еңбек сіңірген қайраткері атағымен, Білім министрлігінің «Балалық шақтың досы» медалімен бағаланған. Музыканттың шығармашылығы 2021 жылы Дубайдағы EXPO-2020 үшін елдің мәдени бағдарламасына енгізілді. 2023 және 2024 жылдары Жамиля Серкебаева Венгрия Премьер-министрі Виктор Орбанның, Франция президенті Эммануэль Макронның және Корея Республикасының Президенті Юн Сок Енның Қазақстанға ресми мемлекеттік сапарларының мәдени бағдарламаларында өнер көрсетті. Оның жетістіктерінің қатарында Монте-Карло Халықаралық фестивалінің лауреаты атағы мен Нью-Йорк джаз қауымдастығына мүшелігі де бар.
«Еліме Тарту» концерті музыка сүйер қауым үшін нағыз мерекелік кеш болмақ. Бағдарламада әлемдік классика, қазақтың халық музыкасы және заманауи композициялар заманауи, поп, неоклассика стилінде орындалады. Концерт қазақстандық суретшілердің туындыларын қамтитын авторлық бейне контентпен сүйемелденіп, жаңа интерпретацияда тыңдалмақ. Сахнада танымал қазақстандық орындаушылар: Толқын Забирова, Еділ Хусаинов, Зарина Алтынбаева, «МузАРТ» тобы, «Алау» тобы, Nora Nugman және басқалар өнер көрсетеді. Көрермендерге Александр Беляковтың жетекшілігімен «ALJazz Symphony» эстрадалық-симфониялық оркестрімен бірлескен қойылымдар ұсынылады, сондай-ақ Грузияның алтын дауысы – таңғажайып «Гармония» ансамблі ән шырқайды.
Концерт заманауи цифрлық технологиялармен, жарық арнайы эффектілермен және бейне-декорациялармен сүйемелденіп, көрермендер үшін ұмытылмас атмосфера жасайды. Концерт екі сағатқа созылады, оның барысында көрермендер музыкалық шедеврлерді ғана емес, сонымен қатар жарқын визуалды шешімдерді де тамашалайды.
Жамиля Серкебаева: «Бес жыл бұрын мен шығармашылық өмірдің жиырма бес жылдығын атап өткім келді, бірақ бірнеше себептерге байланысты концерт өтпей қалды. Биылғы жылы менің командам осы концертті өткізу идеясына жанашырлықпен қарап, қолдау көрсететін талантты және еңбекқор достарым Республика күнін тойлау кезінде ойластырылған, туған жер мен елге арналған шара ретінде іске асыруда. Бұл менің арманым және өмірімдегі маңызды кезең. Мен әр қонақтың эстетикалық ләззат алып, жаңа және шабыттандыратын нәрсе тапқанын қалаймын!»
Концерт Алматы қаласы әкімдігінің қолдауымен өтеді.
Жобаны қолдаушылар: «Air Astana» әуе компаниясы, «ALT Sound» компаниясы, «Учёт KZ», «Triumph», «Good», «The Chef Group», «Лён», «Inzhu», «Abay» мейрамханалары, «Holiday Inn» қонақ үйі, «Русское радио» радиосы.