Зардап шеккендер жоқ, комиссия ғимараттарды тексеруді жалғастыруда.
ТЖМ жедел штаб пен жедел желі ашты, деп хабарлайды aqshamnews.kz.
ҚР ТЖМ сейсмикалық белсенділікке байланысты азаматтық қорғау күштері мен құралдарын дайындыққа келтірді. ТЖМ басшысының тапсырмасы бойынша сейсмикалық ахуалды бақылау үшін жедел штаб тәулік бойы жұмыс істейді. Вице-министр Батырбек Әбдішевтің төрағалығымен кеңес өтіп, ведомстволар арасындағы үйлестіру мен дайындық мәселелері талқыланды.
Құтқарушылардың жедел топтары дайындыққа келтірілді, ал ақпарат алмасу мен үйлестіру үшін бейнеконференция ұйымдастырылды. ТЖМ жедел тобы Жамбыл облысындағы сейсмикалық қауіпті аймақтарға жіберілді. Негізгі назар халықты ақпараттандыру мен инфрақұрылымды қорғауға аударылды. Министрлік жағдайды бақылауда ұстайды және халықты уақытылы хабардар етеді.