Facebook әлеуметтік желісінде алаяқтардың әрекетінен зардап шеккендерге көмек көрсетілетіні туралы жарнама жарияланды.
Қаржыны 36 сағаттың ішінде заңды түрде қайтаруға болады екен. Бұл жалған заңгерлердің бұрыннан қалыптасқан схемасы, деп ескертеді aqshamnews.kz Stopfake.kz-ке сілтеме жасап.
Алаяқтар адамдарды алдау үшін жарнамада танымал адамдардың суреттері мен видеоларын пайдаланады.
Бұл жолы хабарламада «24kz» телеарнасының «По закону» бағдарламасының скриншоты қолданылған. Бұл бағдарламада өзекті мәселелер қозғалады. Жобаның авторы – заңгер, ҚР Парламенті Мәжілісінің депутаты, Еуропалық құқық және адам құқықтары сараптамалық институтының директоры Марат Башимов. Алаяқтар 2 ай бұрын эфирге шыққан бағдарламадан скриншот жасаған. Онда Марат Башимов жеке өмірге қол сұғылмаушылық туралы айтқан, бағдарламада алаяқтар мен қаражатты қайтару туралы сөз болмаған.
Сондай-ақ хабарландыруда ITS (Investment Trade Solution) биржалық активтер саудасы бойынша ірі онлайн-сервистің логосы пайдаланылған. Бұл өтімділік хабында криптоалаяқтар байқалған екен. Шын мәнінде, ITS халықаралық инвестициялық компаниясы жыл сайын мұқият және тәуелсіз тексерулерден өтеді. Олардың қорытындысы бойынша ол қаржы нарығының сенімді және жауапты қатысушыларының бірі болып танылды.
Жарнама Ir-Company компаниясының атынан таралған. Олардың сайтында зардап шеккендерге ұсынылатын нақты іс-қимылдар жоқ. Тек Интернеттен кез келген адам жүктей алатын жалпы ақпарат, суреттер мен сертификаттар ғана бар. Мысалы, Айлин Герхардттің құжаты.
Заңгер денсаулық сақтау саласында пациенттердің құқықтарын қорғаумен айналысады. Демек, оның да алаяқтар ұрлаған қаражатты қайтаруға ешқандай қатысы жоқ.
2024 жылдың мамыр айында Vklader.com порталы пайдаланушының сұрауы бойынша Ir-company компаниясын тексерген. Сайт қаржылық алаяқтармен айналысады.
«Біз бірінші рет естіп тұрмыз. Егер алаяқтар иемденген қаржыны қайтару туралы айтып жатса, онда бұл жалған заңгерлер болар», – делінген Vklader.com жауабында.
Бұл жарнама алаяқтардың зардап шеккен қазақстандықтарды тағы да алдау әрекеті. Сайттарында сенімді ақпарат жоқ, ашық көздерден алынған деректер ұсынылған компанияларға сенбеген жөн.