2030 жылдары цифрлық заңгер, киберадвокат, кибертергеуші сияқты мамандықтар пайда болмақ.
Электронды еңбек биржасы алдағы жылдары жаңа мамандықтардың пайда болатынын болжап отыр, деп хабарлайды Almaty-akshamy.kz Ranking.kz сайтына сілтеме жасап.
Қазақстандағы ақпарат және байланыс саласында 2021 жылдың бірінші тоқсанында 162,3 мың адам жұмыс істеді. Бұл өткен жылғы көрсеткіштермен салыстырғанда 2,6%-ға көп.
Бұл салада жұмыс істегендердің басым көпшілігі Алматы (39 мың адам), Нұр-Сұлтан (32,6 мың адам) және Шымкент (11,8 мың адам) қалаларының тұрғындары болып келеді.
Бұл салада жұмыс істейтіндердің ең аз саны - 25 мың адам Қызылорда облысында тіркелген. Бұл басқа аймақтармен және 2020 жылдың бірінші тоқсанымен салыстырғанда 18,4%-ға аз.
Бұл саладағы жалақы мөлшері 328,1 мыңды теңгені құрады. Өткен жылмен салыстырғанда 7,4%-ға көп.
Ал сатып алу қабілетінің нақты өсуі 2020 жылдың бірінші тоқсанымен салыстырғанда 0,1% құрады. Бұл секторда ең жоғары жалақыны компьютерлік бағдарламалау саласының мамандары, кеңес беретін және өзге де қызмет көрсететін мамандар алады (354,6 мың), ең төменгі жалақыны кино, телебағдарлама түсірушілер, музыка жазушылар (218,1 мың теңге) алады.
Байланыс саласының мамандары 345 мың теңге, баспа саласының қызметкерлері 339,6 мың теңге, телебағдарлама жасаушылар 267,8 мың теңге, ақпараттық қызмет мамандары 258,6 мың теңге көлемінде жалақы алады.
Орта есеппен алғанда, Қазақстан өңірлері арасында Нұр-Сұлтан мен Алматы қалаларындағы ақпарат және байланыс саласының мамандардың табысы көп. Ал ең аз табатындар - Түркістан облысындағы мамандар, олардың жалақысы 118,4 мың теңгені құрайды.
Электронды еңбек биржасының Мамандар атласы алдағы уақытта IT саласында жаңа 40 мамандық пайда болатынын, 6 мамандықтың трансформацияға ұшырайтынын және 9 мамандықтың жойылатынын болжап отыр.
Салалық сарапшылардың дерегі бойынша, 2030 жылы қолдау қызметінің сарапшысы, call-орталық операторы, web-парақша жасаушылар, цифрлық ақпаратты өңдеуші мастер сияқты мамандар болмайды.
Жаңадан пайда болатын мамандықтардың арасында қазірдің өзінде DevOps-инженеріне сұраныс жоғары. 2020 жылы IT-экожүйесінің сәулетшісі, MVP-manager, product-manager, R&D-manager сияқты мамандықтар пайда болады деген болжам жасалған.
Мамандардың айтуынша, 2030 жылы цифрлық заңгер, киберадвокат, кибертергеуші сияқты мамандар пайда болады. 2040 жылы, алдын ала жасалған болжам бойынша, инженер-киборгизатор және киборгизация бойынша инструкторлар керек болады.