Ол өзі-өзіне істеп алды.
Облыстық прокуратураның umarovnews.kz тілшісіне берген мәліметіне қарағанда, видео әлеуметтік желіде пайда болғаннан кейін бірден Абылай Бисқалиев медициналық тексеруден өтіп, өзінің ішімдік ішпегенін дәлелдеп баққан, деп хабарлайды aqshamnews.kz.
«Фото және бейне жазбаның нақты күнін анықтау мүмкін болмады. Бұл ретте әлеуметтік желі қолданушылары мен интернет-ресурс оқырмандары арасында қоғамдық пікір туып, көпшілік талқыға салды. №81 Қазақстан Республикасының құқық қорғау органдары, азаматтық қорғау органдары және мемлекеттік фельдъегерлік қызметі қызметкерлерінің Әдеп кодексі 7-тарауының 3, 6 және 9-тармақтарына сәйкес азаматтардың, қоғам мен олардың алдындағы жауапкершілігін сезінетін қызметкерлер мемлекет теріс резонанс тудыратын әрекеттерге жол бермеуі керек», - деп жазылған прокуратура хабарламасында.
15 тамызда қызметтік тексеру қорытындысы бойынша Бисқалиев қызметтік талаптарды толық орындамағаны туралы ескертумен тәртіптік жауапкершілікке тартылды. Ол өз кезегінде қызметінен босатылғаны туралы есеп берді. 20 тамызда оның өтініші қанағаттандырылды.
Еске сала кетейік, осыған дейін әлеуметтік желіде Батыс Қазақстан облысының табиғат қорғау прокурорының күндіз қатты мас күйде болғаны туралы видеосы әлеуметтік желіде тараған болатын. Видео қызметтік тергеуге негіз болды.