Тікұшақ Әзірбайжаннан қайтып келе жатқан.
Иран президенті Ибрагим Раисиді әкетіп бара жатқан Ми-171 тікұшағы апатқа ұшырады, деп хабарлайды Almaty-akshamy.kz
Ирандық және басқа да бұқаралық ақпарат құралдарының апат жайлы, бортта болғандардың жағдайы туралы ақпараты әр алуан. Бірақ болған оқиға жайлы алғашқы мәліметтер апаттың себебі тұманды ауа-райынан болуы мүмкін екенін көрсеткен.
Бортта Иранның сыртқы істер министрі Хосейн Амир Абдоллахиян да болған.
«Ирна» ақпарат агенттігі вице-президент Мохсен Мансуридің Ибрагим Раисидің қасындағылар апаттан кейін бірнеше рет байланысқа шықты дегенін хабарлады. Мансуридің айтуынша, жойқын апат емес.
«Делегация үш тікұшаққа мінген. Президент мінген тікұшақ пен басқаларының арасында байланыс жоғалып кеткен. Сосын қалған екі тікұшақ іздеуге кіріскен. Экипаж мүшелері байланысқа шықты, соған қарағанда, жойқын апат болмаған. Оқиға орнына әскерлер мен «Қызыл жарты ай» құтқару бригадалары аттанды», деді Мохсен Мансури.