Павлодар облысында өткен кездесуде АЭС салуды қолдау жөніндегі халықтық штаб мүшелері жастармен және сарапшылар қауымдастығымен кездесті, деп хабарлайды aqshamnews.kz
Сенат Төрағасы Мәулен Әшімбаев жастарды қолдау мемлекеттік саясаттың басым бағыттарының бірі екенін атап өтті. Ол ел болашағына әсер ететін маңызды мәселелерді қамтитын алдағы референдумға жастардың белсенді қатысуы ерекше рөл атқаратынын айтты.
Сарапшылар қауымдастығымен кездесу барысында АЭС салу жобасының ел дамуы үшін шешуші мәнге ие екені талқыланды. Мәулен Әшімбаев Қазақстанның энергетикалық қауіпсіздігін нығайту және импорттық электр энергиясына тәуелділікті азайту үшін атом электр стансасының маңыздылығына тоқталып, бұл жоба мыңдаған жаңа жұмыс орындарын ашып, инновация мен ғылымға негізделген экономиканы дамытуға серпін беретінін атап өтті.