Алматыда волонтерлік қозғалысты дамытуға және қалалықтарды әлеуметтік жобаларға тартуға бағытталған ауқымды бастама - «Игі істер марафоны» басталды.
Өңірлік коммуникациялар қызметі алаңында марафонның басталуы туралы Алматы қаласы Жастар саясаты басқармасының өкілдері әңгімелеп берді, деп хабарлайды aqshamnews.kz.
Баспасөз конференциясында сөз сөйлеген басқарма басшысы орынбасарының міндетін уақытша атқарушы Нурсултан Беккайыров Алматы әрдайым өзінің белсенді жастарымен және қамқор тұрғындарымен танымал екенін атап өтті. Қаланың еріктілер қозғалысы жыл сайын әлеуметтік көмектен бастап экологиялық бастамаларға дейінгі түрлі салаларды қамтып, өз ұстанымын нығайтып келеді.
«Бүгінде Алматыда 30-дан астам ірі еріктілер ұйымы жұмыс істейді, ал еріктілердің жалпы саны 50 000 адамнан асады. 2024 жылы еріктілер түрлі бастамаларды қолдауға бағытталған 1200-ден астам іс-шара өткізді», - деді Н.Беккайыров.
«Игі істер марафоны» Жастар саясаты басқармасының қолдауымен Алматы еріктілерінің фронт-офисімен ұйымдастырылды. Биыл марафон 1 наурыздан 1 желтоқсанға дейін жалғасады, ал іс-шаралар жүйеленіп, бүкіл күнтізбелік жылға бөлінеді.
Марафон аясында маңызды күндер мен мерекелерге арналған 100-ден астам іс-шара жоспарланған. Олардың ішінде «Старость в радость» сияқты іс-шаралар-қарт адамдарға бос уақыт пен қамқорлық ұйымдастыру (пансионаттардағы шығармашылық кештер), «Жүректен жүрекке» акциясы, қан тапсыру акциялары, «алғашқы көмек мектебі», эко-дармаркалар, ашық аспан астындағы кино көрсетілімдері және т. б.
Алғыс айту күні 13 акция («Еңбегіңіз үшін мың алғыс», «Бірлікке 30 жыл» челлендждері, «Мейірімділік көпірі», «Алғыс ағашы», «Алғыс айту қабырғасы» және т.б.) өткізілді, оған 3000-нан астам адам қатысты.
Сонымен қатар, әлеуметтік желілер мен БАҚ-та еріктілер қозғалысын насихаттауға және жаңа қатысушыларды тартуға бағытталған кең көлемді медиакампания жүргізілуде.
Алматы еріктілері Фронт-офисінің басшысы Бағдат Анарбаева да еріктілер қызметінің маңыздылығы туралы айтып берді.
«Еріктілік - бұл жай ғана қайырымдылық емес, айналадағы әлемді өзгерту мүмкіндігі. 2024 жылы Алматы еріктілері 592 тонна гуманитарлық көмек жинады, ал 700-ден астам жас оқытылып, құнды дағдыларға ие болды», - деп атап өтті Анарбаева.
Биыл волонтерлік іс-шаралар саны арттырылып қана қоймай, білім беру бағдарламаларымен толықтырылатын болады. Еріктілер тек көмектесіп қана қоймай, өздерінің кәсіби дағдыларын дамыта алуы үшін алғашқы көмек, көшбасшылық, іс-шараларды ұйымдастыру және жобалық басқару бойынша арнайы курстар мен тренингтер іске қосылды.
Ұйымдастырушылар Алматының барлық тұрғындарын, бизнес-қауымдастықты және қоғамдық ұйымдарды қатысуға шақырады. Тіркеуден Алматы еріктілерінің Фронт-офисі арқылы өтуге болады.
«Алматы - белсенді және мақсатты адамдардың қаласы. Бірлескен күш-жігер арқылы біз мұқтаж жандарға көмектесіп қана қоймай, қаламызды одан әрі жайлы, таза әрі достық қарым-қатынаста етеміз», - деп түйіндеді марафонды ұйымдастырушылар.