Компания басшысы жауап берді.
Яндекс Go компаниясының Қазақстандағы кеңсесінің басшысы Тайыр Байдүйсен такси бағасына қатысты сынға жауап берді, деп хабарлайды aqshamnews.kz
Компания басшысы такси бағасының мұндай өсу қарқынын жоққа шығарып, компанияның динамикалық баға жүйесін қолданатынын атап өтті.
Оның айтуынша, динамикалық баға жүйесі екі мәселені шешеді: сұраныстың белгілі бір бөлігін қысқартады және тұтынушыларды қамтамасыз ету үшін желіге көбірек жүргізуші тартады.
Басшы компания бағаны көтеру арқылы артық табыс таппайтынын айтты.
"Біз екі еселенген такси бағасынан ақша таппаймыз. Бұл – нарыққа тұрақтылық пен тұтынушының табыстан маңыздырақ екені туралы белгі. Біз сұраныс пен ұсыныс арасындағы тепе-теңдікті сақтауға тырысамыз",-деді ол.