«Азаматтарға арналған үкімет» Мемлекеттік корпорациясы Жаңа жыл мерекесіне орай 1-3 қаңтар аралығында Халыққа қызмет көрсету орталықтары (ХҚКО) мен Мамандандырылған халыққа қызмет көрсету орталықтары (МХҚКО) жұмыс істемейді, деп хабарлайды aqshamnews.kz.
Жұмыс тәртібі:
4 қаңтар (сенбі) – кезекші орталықтар үшін жұмыс күні. Азаматтарды қабылдау уақыты 9:00-13:00 аралығында.
5 және 6 қаңтар – барлық орталықтар әдеттегі жұмыс кестесіне сәйкес қызмет көрсетеді.
7 қаңтар – православиелік Рождество мерекесіне байланысты ХҚКО мен МХҚКО жұмыс істемейді.
Еске сала кетейік, халыққа қызмет көрсету орталықтары жұмыс күндері 9:00-18:00 аралығында қызмет көрсетеді. Кезекші ХҚКО дүйсенбіден жұмаға дейін 9:00-20:00, ал сенбі күндері 9:00-13:00 аралығында жұмыс істейді.
Азаматтарға қолайлы қызмет көрсету үшін бұл тәртіпті алдын ала ескеріп, қажетті құжаттарды уақытында рәсімдеуге кеңес береміз.