Қазақстанда халықаралық ғылыми жоба байқауларында жеңімпаз атанған оқушыларға жаңа жеңілдіктер ұсынылды, деп хабарлайды aqshamnews.kz
Енді олар ҰБТ тапсырмай-ақ грантқа ие болып, ақшалай сыйақы ала алады. Бұған дейін бұл артықшылық тек олимпиада жеңімпаздарына ғана берілетін еді. Алайда, депутат Асхат Аймағамбетовтің ұсынысымен бұл мәселе шешімін тапты.
Асхат Аймағамбетовтің мәлімдемесі:
"Біз ақшалай сыйақы мәселесін қайта-қайта көтердік. Нәтижесінде, міне, ол да шешімін тапты. Халықаралық ғылыми байқаулардың жеңімпаздары мен жүлдегерлеріне, сондай-ақ оларды дайындаған педагогтарға біржолғы ақшалай сыйақы беру туралы түзетулер қабылданды. Енді Жалпы отырысқа шығарылады."
Бұл өзгеріс дарынды балаларды қолдауды күшейтіп, Қазақстанның білім беру және ғылым саласының дамуына қосымша серпін береді. Енді жас зерттеушілер мен ғалымдар үшін жаңа мүмкіндіктер ашылады, әрі олардың еңбегі жоғары бағаланатын болады.