Грекияның Кавала қаласындағы Пангеон тауында 22 тамызында басталған орман өртін бүгінгі күнге дейін ауыздықтай алар емес, деп хабарлайды aqshamnews.kz.
Грекияның солтүстік-шығысындағы Пангеон тауының шалғай аймағындағы орман өрті жетінші күн қатарынан өршіп тұрғаны атап өтілді. Жалынды өшіруге 280 өрт сөндіруші, 46 өрт сөндіру техникасы, 3 тікұшақ пен 3 ұшақ жұмылдырылған. Бүгінгі таңда 13 мың гектарға жуық орман отқа оранған.
"Өрт 22 тамызда Авго шыңының етегіндегі орманды алқапта, 1500 метрден астам биіктікте тұтанған", - делінген хабарламада.
Еуропа Одағының Copernicus Климаттың өзгеруі жөніндегі қызметінің мәліметтері бойынша, өрт сейсенбі күні түстен кейін 13,41 шаршы шақырым аумақты қамтыды.