Геннадий Головкин мен Сауль Альварестің алдыңғы екі жекпе-жегі 2017 және 2018 жылдары өткен болатын
GGG мен Канело арасындағы жекпе-жек 17 қыркүйекке жоспарланған. Бірақ айтулы айқас қайда өтетіні әлі белгісіз, деп хабарлайды Almaty-akshamy.kz Zakon.kz-ке сілтеме жасап.
Бірер күн бұрын мексикалық боксшы баспасөз мәслихатын өткізіп, алдағы жекпе-жек жайынан мәліметпен бөліскен болатын. Ол баспасөз мәслихатында қыркүйекте Головкинмен жұдырық түйістіретінін нақтылады.
Айта кетелік, Геннадий Головкин мен Сауль Альварестің алдыңғы екі жекпе-жегі 2017 және 2018 жылдары өткен болатын. Бірінші кездесу дау-дамаймен аяқталды, ал 12 айдан кейін болған екінші жекпе-жекте мексикалық төрешілердің берген басым дауысымен жеңімпаз деп танылды.
8 мамырда Канело ресейлік боксшы Дмитрий Биволдан сенсациялық түрде жеңіліп қалды. Жекпе-жектен кейін Бивол реванш өткізуге уәде берді. Осылайша, Головкин – Альварестің көптен күткен жекпе-жегіне өзгеріс ену ықтималдылығы жоғарылады.