Екпенің пайдасы мол!
Зерттеу көрсеткендей, толық вакциналанған адамдарда, вакциналанбаған адамдарға қарағанда, коронавирус жұқтыру қаупі үш есе аз болады, деп хабарлайды Almaty-akshamy.kz Tengrinews.kz сайтына сілтеме жасап.
London Imperial College және Ipsos MORI зерттеу компаниясының зерттеушілері жүргізген зерттеу нәтижелері 24 маусым мен 12 шілде аралығында Англияда 98 233 адамнан алынған тампондық тесттерге негізделген.
Олардың 527-сінің ПТР-сына оң нәтиже беріп, жалпы таралуы 0,63 пайызды құрады. Кейбіреулері зертханада олардың шығу тегін анықтау үшін сәтті талданды. Ал 100 пайызы коронавирустың "дельта" нұсқасы болып шықты.
Вакциналанбаған адамдарда, вакцинаның екі дозасын қабылдаған адамдарға қарағанда, инфекция қаупі үш есе жоғары болды. Вакцина алмаған респонденттер үшін таралу коэффициенті 1,21 пайызды және толық вакциналанған респонденттер үшін 0,40 пайызды құрады.
Сонымен қатар, ПТР зерттеулерінің нәтижелерін талдау көрсеткендей, толық вакциналанған адамдардың, вакциналанбаған адамдарға қарағанда, вирусты басқаларға жұқтыру ықтималдығы төмен. Себебі олардың вирустық жүктемесі төмен және вирустарды аз шығаруы мүмкін.
Империалдық денсаулық сақтау мектебінің профессоры және сауалнама бағдарламасының директоры Пол Эллиоттың айтуынша, бұл нәтижелер вакцинаның екі дозасы да инфекциядан жақсы қорғаныс екенін көрсететін алдыңғы деректерді растайды.
«Алайда, біз вакцинация 100 % тиімді болмағандықтан, инфекция қаупі әлі де бар екенін көре аламыз және біз толық вакциналанған кейбір адамдар әлі де вирусты жұқтыруы мүмкін екенін білеміз. Бір-біріңізді қорғауға көмектесу үшін абай болу керек», - деп түсіндірді профессор.
Бұған дейін ғалым неге кейбір адамдарда коронавирус инфекциясына қарсы иммунитет бар екенін айтқан болатын.