Алматыда сайлау барысын бірқатар халықаралық байқаушылар бақылауда.
Олардың арасында Франциядан келген сарапшылар да дауыс беру барысын бақылады, деп хабарлайды Almaty-akshamy.kz.
Франция Республикасы Сенатының депутаты, «Франция – Орталық Азия» достық тобының төрағасы Эрве Морэнің айтуынша, Қазақстандағы сайлау процесі ашық және барлық демократиялық принциптерге сәйкес өтуде.
Бақылаушылар таңертең 4 сайлау учаскесінде болып үлгерді, олар қандай да бір заң бұзушылықтарды байқамады.
«Жалпы, таңертең әртүрлі сайлау учаскелерінде барлық қажетті құрал-жабдықтардың бар екенін байқадым деп айта аламын. Яғни, тізімге тіркелген сайлаушыларға сайлау бюллетені беріледі, ол мөрленген жәшікке тасталады», - деп атап өтті халықаралық сарапшы.
Жоғарыла айиылғандарға Франция Республикасы Сенатының депутаты, «Франция – Орталық Азия» достық тобының мүшесі Арно де Бельнэ де қосылды.
«Дауыс берушілердің жүздері күлімдеп, ашық-жарқын жүр, қосымша айта кететін болсам, Францияда шетелдік бақылаушыларға мұндай ашықтық пен жанашырлық жоқ. Физикалық құрылымы жағынан бәрі ұқсас, мен өзім үшін әртүрлі партияларды таныстыратын бақылаушылардың тұрақты түрде болғанын байқадым, бұл - ашықтық көрсеткіші. Әрбір партия бұл процесті мүмкіндігінше бақылайды», - деп толықтырды ол.
Сарапшылар Алматыда әлі де бірнеше сайлау учаскелеріне баруды жоспарлап отыр.