Сайлаудың екінші кезеңі екі аптадан кейін – 24 сәуір күні өтеді
10 сәуір, жексенбі күні өткен Франциядағы президенттік сайлаудың бірінші турының нәтижесі жарияланды, деп хабарлайды Almaty-akshamy.kz ҚазАқпаратқа сілтеме жасап.
Euronews-тің мәліметінше, қазіргі президент Эммануэль Макрон 27,4 % дауыс жинап, жеңіске жетті.
Екінші орынды «Ұлттық қауымдастық» партиясының төрағасы Марин Ле Пен 24,0% дауыс иеленген.
Сарапшылардың болжауынша, саяси науқанның бірінші турындағы сайлаушылар саны салыстырмалы түрде төмен болып шықты – 74,84%. Бұл көрсеткіш 2007 жылғы сайлауда 83%-дан астам болған.
Президенттік сайлаудан шығып қалған үміткерлердің көпшілігі өз жақтастарын екінші турда Эммануэль Макронды қолдауға шақырды.
Сайлаудың екінші кезеңі екі аптадан кейін - 24 сәуір күні өтеді.