Сәуір айында Францияда президент сайлауы өтеді.
Франция президенті Эммануэль Макрон мемлекет азаматтарынан республика Президенті ретіндегі жаңа мандатқа сенім артуды сұрады, деп хабарлайды Almaty-akshamy.kz Interfax.ru сілтеме жасап.
«Мен сіздермен бірге ғасырдың сын-қатерлеріне француздық және еуропалық нақты жауап табуға тырысатын үміткермін. Мен әлемдегі сілкіністерден қауіп төнген құндылықтарымызды қорғауға үміткермін. Балаларымыз бен немерелеріміздің болашағын дайындауға үміткермін», - делінген Макронның бейсенбі күні кешке француз БАҚтарында жариялаған халыққа арналған жолдауында.
Оның пікірінше, ұлт «керемет жылдамдықпен күйзелістерді» бастан кешіріп отыр. Оның айтуынша, демократияға қауіп төніп тұр, теңсіздік артып келеді, климат өзгеріп жатыр.
«Сондықтан мен сізден республика Президенті ретіндегі жаңа мандатқа сенім білдіруіңізді сұраймын», - деп түсіндірді Макрон.
Ол алдағы сәуір айында өтетін президенттік сайлауға қатысты жоспарлары туралы ұзақ уақыттан бері айтпай келген.
Француз БАҚ-тарында жарияланған соңғы болжамдар бойынша, президенттік сайлау науқанына қатысушылар арасында Макрон ең жоғары рейтингке ие. Екінші орында «Ұлттық қауымдастықтың» кандидаты Марин Ле Пен тұр. Дегенмен сауалнамалар Макрон сайлаудың екінші турында жеңіске жетеді деп болжап отыр.