Франция атом энергетикасын өткен ғасырдың ортасынан бастап дамыта бастады. Үкімет АЭС-ті негізгі энергия көзі ретінде таңдаудың елге тәуелсіздік пен тұрақты, бәсекеге қабілетті электр энергиясының құнын қамтамасыз ететінін түсінді. Қазіргі уақытта АЭС Францияның энергетикалық қауіпсіздігінің маңызды элементі болып табылады, өйткені елде табиғи ресурстар шектеулі.
Бүгінгі таңда Франция Еуропадағы ең аз парниктік газдар шығаратын мемлекет болып саналады. Елде 61 реактор жұмыс істейді, олар жалпы энергияның 75%-ын өндіреді, ал АЭС-тердің орташа жасы – 28 жыл.
Франция әлемдегі ең ірі электр энергиясын экспорттаушы мемлекет. Өндірілген электр энергиясы елдің қажеттілігінен 20%-ға артық, ал оның артық көлемі Италия, Ұлыбритания, Швейцария және Испанияға экспортталып, жылына шамамен 3 миллиард еуро табыс әкеледі.
АЭС-тер Францияға Еуропадағы ең төменгі электр энергиясы бағасын ұсынуға мүмкіндік берді. Тіпті субсидияларды есепке алғанда да электр энергиясының бөлшек бағасы төмен деңгейде. Реакторлардың операторы – Elektrite de France, әлемдегі ең ірі атом электр станцияларын басқаратын компания, оның 85%-ы мемлекетке тиесілі.
Сонымен қатар, Франция АЭС қалдықтарын өңдеу және жою жұмыстарымен белсенді айналысады және төртінші буын реакторларын әзірлеу жобаларына қатысады.