FIFA жариялаған жаңа рейтингте Қазақстан ұлттық құрамасы 104-орынға жайғасты.
Халықаралық футбол қауымдастықтарының федерациясының (FIFA) жаңартылған рейтингі бүгін, 29 маусымда шықты. Қазақстан құрамасы жаңартылған рейтингте 8 сатыға көтеріліп, 104-орынға жайғасты, деп хабарлайды Almaty-akshamy.kz.
Айта кетейік, қазақстандық футболшылар маусым айында 2024 жылғы Еуропа чемпионатына іріктеу сатысында сырт алаңда Сан-Марино (3:0) және Солтүстік Ирландияны (1:0) қапы қалдырған еді.
Ел құрамасы сынға түсетін H тобында Дания -19, Финляндия -54, Словения -60, Солтүстік Ирландия - 64, Сан-Марино -211 орында тұр.
Жаңартылған рейтингте Аргентина көш басында тұрса, одан кейінгі орындарда Франция мен Бразилия келеді.