Әлеуметтік желіде әнші Ерболат Құдайбергенді полиция қызметкерлері ұстап алып, наркологиялық бөлімге жеткізген видеосы тарады, деп хабарлайды Aqshamnews.kz тілшісі 100baksoff-қа сілтеме жасап.
Желіде тараған видеода ер адамның ағаштар арасынан бірдеңе іздеп жүргені, сондай-ақ бейәдеп сөздер айтқаны байқалады. Жазба авторлары бұл видеодағы адамды Ерболат Құдайберген деп көрсеткен.
Осы жағдайға байланысты Aqshamnews.kz редакциясы Ерболат Құдайбергеннің менеджерімен байланысқа шықты. Менеджері Айдана Ахметбектің айтуынша, желіде тараған видео мен ондағы айыптаулар шындыққа жанаспайды. Оның сөзінше, видеодағы адам – Ерболат Құдайберген емес, ал тараған ақпарат жалған.
"Бұл - жалған ақпарат. Видеоны көрдік, жаңа ғана ол кісінің ата-анасына хабарластым. Олардың айтуынша, ол Алматыда, ал бұл - жалған ақпарат. Негізі ол кісіні көрмегеніме 1 апта болды. Кейінгі рет көріскенде бәрі жақсы болған. Видеоны көрдім, оған ұқсамайды. Жалған ақпартты таратқандарға шара қолданамыз", - деді ол.
Редакция полицияға ресми сауал жолданды. Ақпарат редакция бақылауында болады.
Ерболат Құдайберген – қазақстандық эстрада әншісі. Ол тыңдарманға патриоттық әрі лирикалық бағыттағы әндерімен танылған. Әншінің танымал туындыларының қатарында «Мен қазақпын» атты әні де бар.