Қазақстанда Астана есімді 24 адам тұрады.
Оның ішінде 17 ер адам бар, деп хабарлайды Almaty-akshamy.kz
Ұлттық статистика бюросы елімізде Астана есімі берілген 24 адам тұратынын мәлімдеді.
"Мұндай есімі бар қазақстандықтарды Ақтөбе, Алматы, Жамбыл, Қарағанды, Маңғыстау, Қызылорда, Түркістан және Жетісу облыстарында, сондай-ақ Астана, Алматы, Шымкент қалаларында кездестіруге болады", делінген ҰСБ ақпаратында.
Сондай-ақ Астана атауын қамтитын өзге де есімдер бар. Олар – Астанабек, Астанадин, Астанай, Астанақұл, Астанали, Астанахан, Астанат, Ерастанахан, Нұрастана, Саммидастана, Элин Астана, Ару-Астана.