Ауыз су үшін арнайы есептегіш құралы жоқ қазақстандықтар суға екі есе көп төлейтін болады, деп хабарлайды aqshamnews.kz
Су ресурстары және ирригация министрі Нұржан Нұржігітовтың айтуынша, халық төрт топқа бөлінген.
"Норматив бойынша айына 3 текше метр су тұтынатын азаматтар тариф бойынша төлейді. Егер азамат 3-5 текше метр су қолданса, тариф 20%-ға өседі. 5-10 текше метр су тұтынған жағдайда тариф 50%-ға артады. Ал егер азамат 10 текше метрден көп су пайдаланса, тариф екі есе жоғарылайды", – деді Нұржігітов.