Тау-шаңғы маусымының ашылуына байланысты 26 қарашадан бастап №12 туристік маршрут жұмысы күшейтіледі, деп хабарлайды Almaty-akshamy.kz.
Алматы қалалық мобилділік басқармасының мәліметінше, енді бұл маршрут бойынша 10 минуттық интервалмен демалыс күндері 20, жұмыс күндері 16 автобус қызмет көрсетеді.
Маршрут Алматы-2 темір жол вокзалынан басталып, Абылай хан даңғылымен жоғары көтеріліп, Абай даңғылымен жүріп, Медеу мұз айдынына дейін барады. Медеуден соңғы автобус түнгі сағат 00:30-да шығады.