Жарыстың жалпы жүлде қоры – 19 млн теңге.
Қостанай облысының Заречное ауылындағы «Арғымақ» ипподромында Қостанай жылқылары арасында осы жылдағы алғашқы ауқымды республикалық бәйге өтеді, деп хабарлады Almaty-akshamy.kz
Қостанай жылқыларының бәйгесі 2022 жылдан бастап үшінші жыл қатарынан өткізіліп келеді. 2022 жылы Қостанай жылқыларының бәйгесіне 40-қа жуық сәйгүлік қатысқан болса, биыл 50-ге жуық жылқы шабады деп жоспарланып отыр. Жыл соңына дейін Қостанай жылқылары арасында тағы 4 ат жарысы өтеді.
Былтыр Ұлттық спорт қауымдастығының қолдауымен Сенат депутаттары Қостанай жылқы тұқымын сақтау және өсімін көбейту туралы заң қабылдау бастамасын көтеріп, оны Парламент Мәжілісі мақұлдады.
Жарыс 5 қашықтық бойынша өтеді: Ұшқыр бәйге 1 мың метрге (жүлде қоры – 3 млн теңге), Ұшқыр бәйге 1 800 метрге (жүлде қоры – 3 млн теңге), Ұшқыр бәйге 2 мың метрге (жүлде қоры – 3 млн теңге), Құнан бәйге 5 мың метрге (жүлде қоры – 4 млн теңге), Аламан бәйге – басты қашықтық 18 мың метрге (жүлде қоры – 6 млн теңге).
Жарыстың жалпы жүлде қоры – 19 млн теңге жеңімпаздар арасында бөлінеді (I, II, III орындар).
Айта кетсек, Қостанай жылқысы – ұлттық ат спорты түрлерін дамыту үшін кеңінен қолданылатын жалғыз спорттық бағыттағы қазақтың асыл тұқымды жылқысы.
Ат жарысы Ұлттық спорт қауымдастығының, Туризм және спорт министрлігінің, Қостанай облысы әкімдігінің, Бәйге республикалық федерациясының және Qazaq Jockey Club қолдауымен өтеді. Іс-шараның бас серіктесі – «Самұрық-Қазына» АҚ, серіктесі – Sport Qory спортты қолдау қоры.
Мекен-жайы: Қостанай облысы, Заречное селосы, «Арғымақ» ипподромы.
Өтетін күні: 25 мамыр 2024 жыл
Басталуы: сағат 11:00-де.