Құрылтай онлайн форматта өтеді.
Съезд Президент, партиясы Төрағасы Қасым-Жомарт Тоқаевтың қатысуымен өтеді. Ертең Nur Otan саяси кеңесінің құрамына өзгерістер енгізу мәселесі қаралады. Бұл туралы партияның атқарушы хатшысы Асхат Оралов айтты, деп хабарлайды Almaty-akshamy.kz.
«Өздеріңіз білетіндей, ертең Мемлекет басшысы, партия Төрағасы Қасым-Жомарт Тоқаевтың төрағалығымен онлайн форматта Nur Otan партиясының кезектен тыс XXII съезі өтеді. Оның жұмысына еліміздің әр өңірінен 399 делегат қатысады. Бүгін партияның Саяси кеңесінің қаулысымен съездің күн тәртібі бекітілді», - деп жазды партияның атқарушы хатшысы Асхат Оралов Facebook-тегі жеке парағында.
Оның айтуынша, құрылтай барысында партияның Саяси кеңесінің құрамына өзгерістер енгізу және Nur Otan партиясының модернизациясына қатысты мәселелер қаралады.