Мемлекеттік кеңесші Ерлан Қарин елордадағы №164 дауыс беру учаскесіне келіп, атом электр стансасын салу туралы референдумда өз таңдауын жасады.
"Референдумға әрқашан ел үшін маңызды мәселе шығарылады, сондықтан бүгінгі АЭС салу туралы мәселе де аса өзекті. Бұл шешім еліміздің экономикалық даму бағытын айқындайтын болады. Сонымен қатар, референдумды өткізу тәжірибесінің өзі де үлкен мәнге ие. Біз ТМД және Орталық Азия елдері арасында референдум өткізетін жалғыз елміз. Бұл мемлекет пен қоғам арасындағы жаңа саяси мәдениеттің қалыптасуына әсер етеді," - деді Ерлан Қарин дауыс берген соң БАҚ өкілдеріне берген сұхбатында.