Наиб имамның айтуынша, вакциналардың халалдылығы жөнінде алаңдаудың қажеті жоқ.
Алматыда Өңірлік коммуникациялар қызметі алаңында қаланың Орталық мешітінің наиб имамы Ержан Есім ислам тұрғысынан вакциналану туралы сұрақтарға жауап берді, деп хабарлайды Almaty-akshamy.kz
Дін өкілінің айтуынша, бірде-бір дәстүрлі дінде вакциналануға тыйым салынбаған, керісінше, денсаулықты сақтауға деген ұмтылыс қолдау табады.
«Біз отбасыларымызды коронавирустан қорғап, әрқайсымыздың жағдайымызға қамқорлық жасауға тиіспіз. Вакциналану – бұл жалғыз шешім және қазір өте маңызды. Дін әркімге өмір мен денсаулыққа дұрыс күтім жасауды және аурудың алдын-алу жолдарын іздеуді міндеттейтінін есте ұстаған жөн. Вакциналар бірқатар мұсылман елдерінде қолданылады, сондықтан уақыт жоғалтпай, халал және халал емес вакциналарды қарастыру қажет. Адамдардың өмірін құтқаратын кез келді. Вакцинаға қарсылардың медицинаға қатысы жоқ»,– деді дін қызметкері.
Ол сондай-ақ Сауд Арабиясы билігінің шешімімен Мекке мен Мединадағы қасиетті орындарға үлкен және кіші қажылыққа қатысу үшін мұсылман қажылары коронавирусқа қарсы вакциналаудан өтуі керек екенін айтты. Бұл шешімді бүкіл әлемдегі діндарлар қолдады.
Ержан Есім вакциналардың халалдылығы жөнінде алаңдаудың қажеті жоқ екенін атап өтті. Мысалы, QazVac қазақстандық вакцинасы халал жалпы талаптарға сәйкестік сертификатын алды.
