Алмалы ауданы №147 гимназияда Кеңес Одағының батыры Әлия Молдағұлова мен Халық қаһарманы Рахымжан Қошқарбаевтың туғанына -100 жыл толуына орай аудандық «Отан Дауысы» атты әскери-патриоттық әндер байқауы өтті. Сұм соғыс салған лаң мен жүректегі жараны балауса өнерпаздар шынайы жеткізді. Ананың сағынышы, баланың әкені аңсауы байқаудың негізгі қазығына айналды. Аудан мектептерінің оқушылары патриоттық әндер шырқап, өз еліне деген сүйіспеншілік сезімдерін білдірді.
«Біз бүгінгі ұрпақ бейбіт өмір, алаңсыз күлкі, тыныш ұйқыны армандаймыз. Сол үшін аспанымыз ашық, өміріміз тыныш болса екен дейміз. Біздің тілегіміз де, мақсатымыз да-бейбітшілік» деп шырқаған балалардың әні көк аспанда қалықтады.
