Санкт-Петербургте 38 жастағы ер адам көшеде саксофон тартып тұрған 11 жастағы балаға оқ атты, – деп хабарлайды aqshamnews.kz тілшісі.
«Фонтанка» басылымының жазуынша, жақын маңда тұратын ер адамға баланың өнері ұнамай қалған. Содан ол пәтерінің терезесінен пневматикалық қарумен оқ атқан.
Зардап шеккен 4-сынып оқушысы ауруханаға жеткізілді. Дәрігерлер оның иегінен оқты алып шықты.
Күдікті ұсталды. Одан «Макаров МР-654к» пневматикалық газбаллонды тапаншасы тәркіленді. Қару қолдану арқылы бұзақылық жасау дерегі бойынша қылмыстық іс қозғалды.
Басылым мәліметінше, күдікті Мариин театрының әртісі болуы мүмкін. Ол Қазақстанда туған, театр сайтындағы ақпаратқа сәйкес, мимикалық ансамбль құрамында жұмыс істейді. Ресей азаматтығын 2008 жылы Татарстанда алған.